1Pe 4 | WSK | STEP | Kristus kota ko kumik te ikup yaman giam. Se nina nu turantala ikup yaman gialko me nguangaralko. Mu awuk, awiriya ikup yaman kumik te giam, mu nu kilek memek buring tuam nunguning ale bagoso.

1 Peter 4

Ana kilek memek nabiring tunak ale munan ningo la betenakko

1 Kristus kota ko kumik te ikup yaman giam. Se nina nu turantala ikup yaman gialko me nguangaralko. Mu awuk, awiriya ikup yaman kumik te giam, mu nu kilek memek buring tuam nunguning ale bagoso. 2 Ale tom nu ali imi te bagoso, mu nu ikia munan memek ko kari me bagoso. Mena. Nu Kaem ko ikia ko gomang karo tuokko kari bagoso.

3 Tom nina me giris palagakasan la, mu nina kilek memek, kariimet Kaem ko me ikia alo ko kuesan mu te nina ninguru namakasan. Se umutang la se terong mam, udagi me beteralko. Kariimet Kaem ko me ikisan mu kilek iwita betesan: saman katagot, nomotam nongomang barasa, yu nana ngualara, na inang betera ko tom te geraga ale yu nana ngualara ale kilek memek betera, se munan memek nunguningkiri kaem kawel nunup patowara, umutang nuna betesan. 4 Se aitak nina nuna arungak me biguwusan ale kilek memek mu me betesan, se mu ko nuna den memek memek te ninga balu maguwusan. 5 Bare maingte Kaem nunga betera kaora mu ko nunga isokkowo. Nu kariimet marak bagasan mu se, maingkala kueman, mu nunga tuterukko mu nu sinar ago bagoso.

6 Se umutang ko, kariimet maingkala kua namaman mu den gilalong yawara mu ago nunga manorman / manaru gilingiman. Nuna munan memek memek bita lagaman ko koma mu nungumik guang ago kua namaman.

/ Bare den gilalong yawara ikimonko nunga manorman umutang te, nunga nodora maingte Kaem marak nungaruk se nu marak bagoso turantala bagomonko. ^{▼▼1 Peter 4:6 Romans 8:10 ago arikko.}

/ Borta ko den gilalong nunga manorman. Umutang te nunga nodora maingte Kaem marak nungaruk se nu marak bagoso turantala bagomonko.

Ana Kaem munan duap duap nangaram mu te saki alo nunga sangornakko

7 Mel suen biya ko tom nukum pingi aram. Buta se, nina ikia suwanta te sinar ago bagaralko. Mu te nina ngatangaralko terong mam. 8 Ale mel gira nunguningkiri mu ninimi ko ninguru kueralko. Mu awuk, ninimi ko kuera ko munan mu memek suen biya ira murso. 9 Nina ninga saki taisan nengerak bagasan mu am nunga sinar talko. Me nunga nengemang ikuwurok se nubiring ko me iningiralko. ^{▼▼1 Peter 4:9 Saki nangate taimon nangarak bagomon mu nunga sinar tanakko: Heb 13:2.} 10 Kaem ko munan, ko ikia, se ko sokel duap duap ningaru ago namaram. Se nina munan mu te ninimi saongalko. Umutang te nina noko ura kariimet yawara. ^{▼▼1 Peter 4:10-11 Kaem ko Korang Bur munan duap duap nangaram: Rom 12:6-8; 1 Cor 12:4-7.} 11 Ni Kaem den baluko kari agi mu, Kaem ko kuring te den tasam umutang la diram baluko. Ni saki alo nunga sangaruko kari agi mu, eng Kaem ko sokel kisiso mu te nunga sangaruko. Mel suen biya Jesus Kristus nup te beteral se Kaem nup biya taukko. Nu tom suen biya nup biya sokel karogo bagoso. Nunguning.

Ana Kris kariimet nanga bita maguwumon agi wore, ikup mu am ginak ale ko amilmilanakko

12 Se aga singsang yawara, yaman memek nina giwasan se ninga ira ariwoso sumu ko me biririkiralko. Ale “munan kigilik ta nangate aratoso” ma iwita me balalko. Mena. 13 Nina Kristus ilak ikup gisan mu ko amilmilaralko. Se tom nu ko nikim, ko sokel karogo wetang te aratuk, mu nina ninguru amilmilaralko. 14 Nina Kristus kowom karowasan umutang ko den memek ninga manarmon, mu am amilmilaralko! Mu awuk, Kaem ko Korang Bur sokel karogo se nikinang karogo mu nengerak bagoso, se umutang ko ninga bita maguwusan. ^{▼▼1 Peter 4:12-14,16 Ana Kristus ilak ikup ginakko: Mat 5:11-12; Acts 5:41; Rom 8:17; 2 Tim 2:12; 1 Peter 1:6-7.}

15 Bare iwita ikialko. Nina bo ta kari mora se kuera, se tere na, se ikia memek duap duap betera, se saki nunga ura mel bitawara se duap karo karo geraga, mu ko koma ikup gial se ani ko den ikiekko me ta ko kuesam. 16 Bare nina Kris kariimet se umutang ko ikup ningarmon agi, bare mu ko me dolaralko. Mena. Mu nina Kristus ko nup nengete aniso mu ko Kaem amilmil tualko.

17 Tom Kaem kariimet nunga bagara aolak tuteruk ale nunga memek koma memek nungarukko tom tai aratam. Se nu ana noko kariimet nangate tutera duap beteram taiwoso se ikup giwasan. ^{▼▼1 Peter 4:17 Kaem mu laili kako. Se tom ko kariimet ikup gisan mu nu nunga bagara aolak nungurso burangoso, nuna (te?) laili bagomonko: Isa 10:12; Jer 25:29; Ezek 9:5-6; Mal 3:1-6.} Se kariimet Kaem ko den gilalong yawara me karo tusan mu nongote nama aratuk mu, nuna awuk mamon? Mu koma memek biya nunguningkiri tamonkowo. 18 Kaem ko batoga te baluwoso iwitata:

“Kariimet diram ikup ningi sokel ago sanamiwomon umutang la Kaem nunga giokko.
Se kariimet memek Kaem nubiring tusan ale kilek memek bita lagasan mu awuk ta terong bagomonko? Mena!” ^{▼▼1 Peter 4:18 Proverbs 11:31.}
Se umutang ko, nina arikaya Kaem ko ikia, ko gomang karo tuman ale ikup giman, mu nina munan ningo umutang la bita nama se, nengeta ninimi Kaem ninga nungam bare kuting te beteralko. Mu nu ninguru ninga sinar taukkowo!

19